【尋幽探靈】巨型神轎好驚嚇

5:30 就俾龜龜吵醒，搞掂啲嘢出發去機場。8:00 已搞掂晒登機入閘，上網提前登記真係快好多，4月去時沒有自助寄行李服務依家已有，連出境都不用身份證手指模，人臉識別就可以🤓。早餐揀咗滿泰，的奶茶嘢食都似足太興，蜂蜂個扎肉豬扒包新鮮好味，龜龜個火腿通粉味精入曬晒、炒蛋都相當唔錯👍🏼。

10:20 班機去福岡，閘口 8 號臨時改咗 11 號閘，連時間都改埋 10:45 先登機，識龜龜 7 年第一次係店舖買機票而不是佢自己上網買。蜂蜂就第一次試吓 SoSIM 的日本外遊數據，$60 用 7 日，但要開通 Volte。我手機只有 Lte🤪希望 OK 啦！坐喺度等夠鐘，候機閘附近座椅上的 USB 充電口十個有九個都係壞嘅，蜂蜂龜龜四圍插先搵到一個可以充到電。

話咁快，15:30 就到福罔，坐火車去博多兩個站，博多 APA 酒店離車站很近，短短距離有很多間，自助辦理入住手續出房卡，放底行李就落街。隨便走有幾間公園，但已關門，承天寺的松樹很漂亮。17:35 吃晚飯，自助買飯，龜龜去裝茶居然裝了白飯返來，再去又裝咗杯柴魚湯，蜂蜂自己出去龜龜跟埋終於問侍應先裝咗杯茶返來，原來咖啡都係免費，仲係 24 小時營業，價錢便味道好，坐得又舒服，仲有送餐機器人，正！

隨便走去到 Aeon 超市，買了柿、啤酒、薯片、杯麵、明太子、咖啡。過斑馬綫後，咦！有家神社冇關門，門口有個超高巨型神轎都幾驚嚇🙀，係要人力抬起，原來佢叫做櫛田神社，個園區都幾大，可能係福岡市中心緣故，園內有唔少人在拍照拜神，另一個門口有個巨型大燈籠🏮仲有個圓形⭕️十二生肖圖係頭頂，幾靚。出咗神社沿商店街走了一圈，人流少店鋪買的東西也不吸引，呢度的店好鍾意賣啲黑嫲嫲的好似燒黑咗的雞油的東東，唔知係咪烏雞油呢？食肆人流都少。

沿河邊回車站，有個露宿者瞓係石板凳上，夜晚會好凍，隨便走走就去到博多車站，附近有大型商場，廣場有小摊位，有很多酒賣，很多人在飲酒食嘢很熱閙。商場行吓冇咩好睇，返酒店的途中隨街都係酒店多到嚇死人，20:18 回酒店。

留言

這個網誌中的熱門文章

【蠔島12天】探監令人抑鬱

今天晴空萬里，正! 龜龜搞GPS搞了很久，叩叩叩⋯什麼聲音?原來有人在敲我們的車車，龜龜說是停車場落貨工人專程問我們是不是要離開?而且給我們走先，他真好人。今日去 Richmond 小鎮，才十點已很多游客了，停車場要繞圈找位才有得停泊，可能真的是較近Hobart這個大城市的關係。終於找到停車位，只見一車又一車的旅游巴也在這停泊，廁所就在停車場邊，當然不能放過要去去，暢快的大解放，哈哈 ⋯⋯。走出來卻不見龜龜的蹤影，等呀等，等呀等，也不見龜龜。可能是蜂蜂上廁所上的太久所以龜龜先去逛逛了吧!哈哈 ⋯⋯誰知龜龜卻從廁所走了出來，原來是昨晚的辣椒發作。朝着停車場方向走到Richmond監獄，監獄是要買票入場的，就在手信店購票，而且只有一個工作人員，⻄方國家比較講自覺性，如果有人沒購票進去了，他也未必發現，根本沒有透明窗戶、門檻之類。監獄規模不大，進門院子裏鋪滿了大大小小的碎石，男女囚室、廚房、獄卒房間都是圍繞着這個操場而建。大大的磚頭砌成了高高的圍牆，院子裏的大樹給了這監獄少許的生氣。每間房都有不同的介紹，有獄卒紐扣、戒指、衣物，哪件外套好時毛，是經典款，現在就個年代也流行呢，厲害 !廚房也很奇怪，有個像棺材一樣的木箱，龜龜說是用來放麵包的，焗爐在牆壁，要把柴燒完了利用余温去焗。在這我們看到了洗衣機的雛形，一個桶一樣的東東，旁邊還有一個用來扭乾衣物的東⻄，两根圓轆轆的木頭，衣物就夾在中間。龜龜讓蜂蜂猜，沒猜到，哈哈 ⋯⋯ 這裡奇怪的東⻄真不少，有間房間的木地板上有塊四四方方的透明玻璃，蜂蜂趴下探個究竟，只見下面是全空的，放了好多臭鞋鞋，有龜龜在真好!龜龜說鞋子代表邪靈，這樣做是鎮壓住它們不讓邪靈跑出來。在另一間房，貪玩的龜龜見有條大鐵鏈手銬，嘗試自己戴上，玩了一會兒就放棄了，沒耐性的傢夥。手銬房旁還有間好臭的房，難道千年腐屍在發臭。而最令我感到窒息的是男囚室。龜龜說上面寫可以体驗在裡面一分鐘，別說呆，只是站在這我都抑鬱，狹窄漆黑的囚室只是一個人睡下的尺寸，一個小洞。每人只有一張地毯席地而睡。龜龜說當年有囚犯為了能留在這坐牢會故意犯罪加刑，因為外面的僱主經常虐待她們。離開這個令人抑鬱的地方，去店舖逛逛輕鬆輕鬆，一家手工首飾店的耳環挺漂亮，龜龜說送給蜂蜂，一看要$129換成港幣差不多要六七百，蜂蜂覺

閱讀完整內容

【尋幽探靈】草莓蟹

7:30 familymart 食早餐，龜龜又食油麪，蜂蜂又食飯團。又見到左手邊白色襯衫的男人飲住杯凍啡改功課，昨日坐喺我後面個中年肥佬又係度，前方十字路口咖啡色袋嘅西裝友今日換咗對黑皮鞋等緊過馬路，馬路中又出現豆零爭肥婆拎住兩袋嘢過更馬路。返酒店排完毒去咗個神社行下，裡面有個藩主家族，墳墓好多蚊，墳上有幾個大石疊埋一齊做裝飾，旁邊嘅五重塔顏色鮮艷，隔離個小廟有串超大佛珠，一拉佢就劈叻拍啦，好似放炮仗。大樹下個僧人係碎沙石中掃落葉仲要用手一塊塊手執起的葉。 10:00 坐車去空港線內陸機福岡去屋久島，10:45 喺機場食牛餐，牛牛飯，入閘之後行下商鋪，國內線店鋪多。去到車81你號閘口先知仲要坐接駁巴士好彩早少少落去，細架短腳螺旋掌內陸機，巴士都大過佢。14:00 到達屋久島機場，好細好舊好少人，落機徒步出到去，行李都係人手攞落嚟嘅。兩點幾上咗巴士，點知錯咗方向只好係下一個站落車，一落車就係小瀬田郵局，可能冥冥中有注定，龜龜搵咗幾日郵局都未搵到咁樣俾佢撞中🤪。要等一小時先有環島巴士，寫下明信卡食下明太子、帶子裙邊時間都過得好快。有兩個男人同我地一樣坐錯車一齊係小瀬田站等。 15:30 上巴士又去返機場，唔同方向的巴士係同一站停，玩嘢😅。去到 Green 酒店開始落雨，和風式間房好靚大花園加全海景，露台有化妝枱，放好行李出去行吓，咦好大雨。一過馬路就有間花店，埋邊有青菜、水果、調味料、酒、便當，日用品賣，老細係個中午大叔好好笑容。冒雨繼續行咗去間手信店，好大間，的屋久杉手工品價格不菲，有毛巾、衫、明信片、草餅、咖哩、包裝魚賣，18:00 酒店食晚飯所以行咗一陣間就返轉頭。晚餐相當豐富，炸飛魚、凍蟹（旭蟹），龜龜話似草苺，凍九爪螺、魚魚刺身、酒、豚肉、甜品、正😄⋯⋯

閱讀完整內容

【尋幽探靈】沿着廢棄路軌尋找繩文杉

凌晨三點幾起身，龜龜食咗紅豆包，蜂蜂食咖哩包。行出馬路巴士站，天太黑巴士牌冇燈行過龍又返轉頭，咦！巨型機動車停車場，就係呢度了。見巴士就揮手佢不停，反而去咗我哋酒店門口停，我哋飛奔而去被司機告知不是呢架。呢架應該係報咗團個的人上嘅，我哋酒店好多人上咗去。又回來巴士站，4:36 又截停咗架巴士。上車後肥佬又話我哋唔可以坐呢架，要收錢 640 日圓一個人。呢架應該係酒店職員講嘅班車，屋久島的交通都幾煩，有唔同公司啲巴士，我哋誤會咗係我哋買三日票的巴士公司。繼續等由碼頭四點幾開出巴士，5:20 來到我哋呢個站，希望架車準時啦！ Yeah ✌🏻準時到咗，成架車都冇人，去到屋久杉自然館全程只有八個人上車。落車買票兩人4800 日圓，售票員講個背囊可以咩咩咩😅聽唔明，跟住有個北京友行埋嚟話：背包可以放地下，當排隊用。哈哈⋯⋯唔怪得地下全部都係包包啦！ 5:40 開車上山去荒川登山入口，落雨。6:20 開始這個 20 公里、耗時 10 小時嘅長征，廢棄鐵軌🛤️就在這停車場邊，沿着鐵軌行五分鐘左右就穿過山洞，山洞後都係沿鐵軌行，深山裏有廢棄嘅小學，依家只係一塊冇大樹的平地。一旁有個休息亭，有瓦遮頭，之後的路唔會有了，龜龜決定係度食嘢。便當係酒店為我哋准備，四個便當 1400 日圓，我食個份有兩個飯團🍙、兩舊炸雞、一舊炸土豆、一個麻薯，龜龜有靖魚、炸番薯、飯團、麻薯，味道唔錯。特別係飯團中間個粒紅色小脆梅，炸嘢凍左就差的。俾龜龜試吓我舊炸土豆，可愛的龜龜話：你舊番薯軟身過我個舊好多，😹😹我舊係土豆而不是番薯。 8:02 見到三代杉，黑蒙蒙嘅樹洞睇唔出點算三代。繼續行廢鐵軼，鐵路係舊時為砍杉樹運輸而誕生，唔知行咗幾多個鐘，見有個向右分叉路口寫去繩文杉，就開始向上爬石頭路。踩著又大又長遍地橫生的樹根趕路，高底起伏。古老樹根石頭路加埋一直落雨仲要趕路趕車，都幾辛苦，但卻好壯觀。抬頭不見天日，樹木好高，加埋多雨水先至咁多青苔。沿途都有好多導遊，一個導遊帶兩三個客登山。第一棵遇到啲係翁杉、一棵雜草叢生的枯樹枝，樹徑大外型睇唔出似老翁，太多雜草，第二棵遇到心形樹洞，靚、大、蜂蜂想入去，但洞內個對北京情侣狂影相加埋雨勢大，龜龜叫我繼續趕路，第三棵大王杉，好高。第四棵夫妻杉、呢棵好特別，土黃色樹桿，兩棵樹連埋一起，摸上去滑碌碌，而且就在路邊，正。衝呀！時間緊迫，向繩文杉衝，繩文

閱讀完整內容

一部一驚心

搜尋此網誌