一部一驚心

5:00 起身去廚房刷牙時，天花板一陣巨響，啊 ⋯ 一隻好似老鼠咁大嘅四腳蛇飛奔，今朝的咖啡唔太苦，隻貓晨早走咗出嚟送客， 5:45 車已到，係 機場接我地那個司機，佢手車揸得穩好多。 包租婆包租公 5:50 已等住檢查房間，房得兩張床有咩好檢查，廚房係共用嘅檢查來有咩意思？呢對英國夫妻俾蜂蜂感覺好唔舒服成個 CCTV咁 ，討厭！ 七人車一開出就見到日出   ，正！車車行咗一段時間路經一個小鎮，嘩！好大火，路邊攤唔知賣咩呢？就係 7-11 門口停車，去 7-11 買咗支咖啡再行出搵大火路邊攤，麫包鋪麫包好吸引，買咗一大堆，又喺大火嗰度買咗的好似白糖糕的東東，炸雞、炸雞！ 路邊有啱啱炸更新鮮熱辣辣炸雞，蜂蜂揀咗幾隻長形嘅以為係雞髀。點知係雞頸，咦 ⋯⋯ 我哋嘅早餐真豐富。 9:30 到機場 2 號大樓，門口有個保安，啊？要俾護照佢睇先可入去，細機場入境上機都好易搵。咁就結束 5 日旅程，沙丁魚很壯觀但可惜冇得親密接觸，海龜好可憐被人圍攻，最放鬆舒適係嘉華山，Osmena Peak都唔錯但人多地細又冇得自己亂行，的人個個都話菲律賓的野食唔好食，但蜂蜂覺得唔錯 👍🏼 特別係平價炸雞好好味 😋 。  

6:30 醒咗， 昨晚有 蚊帳 總於不再咬醒   ，早餐本地青菜、墨魚仔、本地即食麫，狗狗貓貓圍住晒食早餐送行。 10:13 車都未到，包租婆係門口張望話架車會遲。 10:30 出發遲咗半小時，個司機車人去嘉華山所以遲又唔出聲。 今日龜龜預約咗架七 人車，車向住卡娃山方向駛去，龜龜蜂蜂心諗唔通又去返嘉華山瀑布？去多次都唔錯。確實幾靚嘅，同埋附近都幾好行景色又優美。車車直接駛過嘉華山地段，沿着彎彎曲曲曲崎嶇山路開呀開， 11:30 開到一個做緊水渠工程的路邊，簡陋小屋里行出兩個細路。一個 11 歲一個 16 歲居然由兩個童工帶我地去搵瀑布，山林小徑行咗 10 分鐘去到溪邊小木屋，埋邊有零食救生衣，蜂蜂租咗一件，繼續向前行。 12:00 到瀑布，呢度係的本地人自己玩嘅，的人係度擦晒 番梘 搓到成身泡泡跟住跳落水。除咗我哋仲有一對外籍情侶，手肘有傷口似騎電單車跌親，佢哋冇落水玩。司機俾一個鐘時間我哋玩 13:00 要落山，龜龜蜂蜂游咗陣間。落山時見到摩托車，居然係的碎石、好窄的山路行駛，的車輪應該壞的好快。 14:00 到Osmena Peak山腳，搵咗間小店食午餐，兩個炸雞 🍗 飯，咖啡唔好飲，服務員廚師係同一個人，老板娘的廚藝麻麻，因為頭先落咗水成身濕晒二樓的風吹得蜂蜂打冷震。登頂入口要收錢先，俾完錢，司機叫我地一個鐘就落山，龜龜話講好咗係來睇日落，叫司機自己打去俾草屋包租婆問，經過一輪口舌之爭最後兩小時要落山。個司機好奸，由頭到尾都係趕鴨仔，唔安排我哋食午餐車又揸的超快坐到蜂蜂做嘔，又趕我哋快啲上山落山咁佢自己賺咗錢話知你死。 14:30 開始上山，呢度全部都種晒菜，個導遊係個六十幾歲 臃腫 大媽。上山的路好簡單直上就可到山頂，十來廿分鐘就攻頂，導遊大媽又係經過專業訓練影相，叫我地呢樣個樣就晒位。一眼望去周圍都係大大細細嘅小山丘，圓圓地，我哋企嘅石似火山岩石，附近冇乜好行，靜雞雞坐喺度享受下。靜咗一陣已有一批又一批的旅客上晒來，其中有三個香港男子，影相影咗好耐。 16:25 下山，路邊有 $20/ Kg 的青菜好抵買，大媽買完青菜又買好細個的小椰菜。回程的途中奸人司機無端端係一個碎石大平地停車叫我地出去影相，又係馬路邊的山凹出嚟的位停車，最後一次停車的位太陽落更山，因為佢想補鑊。男人老狗居然話個太太有睇信息，佢冇睇到所以唔知我哋個行程在山頂睇日落。一路的景色都唔吸

5 點幾痕醒咗，起身洗碗俾龜龜煮麫加罐頭、番茄做早餐， 7:45 三輪單車到， 8:00 出發 Kawasan  。途經兩個市集， 大規模原隻燒雞不斷轉轉轉、勁大塊燒豬腩肉香味四溢，快到嘉華山的路景以海為主，水很清澈，一望無際，正！       8:40 到達填表格，小店就在路邊，佢有提供鞋及救生衣、頭盔。由 當地的 Tour 帶領溯 溪以及跳水行程， 穿好裝備行出馬路坐摩托車，點知個工作人員叫我地同一塊牌及佢三個一齊影相。之後龜龜蜂蜂加司機三個一架車向山上出發。大約 20 分鐘左右車程，玩飛索前要好隨便咁填下資料，飛索可以減少行山，填寫好再行兩步到入口又要再填，求其寫個名就可以完全為咗做樣。企定個人，戴上安全帽，套上 黑色圍裙然後身體前傾 ，工作人員就托起蜂蜂、龜龜雙腿，趴下變咗兩隻 🐛🐛 哈哈 😄 ⋯⋯ 呢個姿勢 俯視 山林，驚驚 😨 啊啊 ⋯⋯ 雙手捉緊龜龜，好快到對面，全程導遊幫手揸 GoPro 幫我地錄影。 起點上梯級，係條山林小徑， 15 至 20 分鐘已聽到好吵嘅人聲，的人已跳緊水。 溯溪 就溯得多，溪降沒試過，哈哈 😄 ⋯⋯ 溪水清澈 顏色像美瑛青池，好美噢！ 沿路的風光都很美。 戴 着头盔，穿着救生衣， 係 峡谷的河流里徒步， 石頭上 攀爬， 瞓低係溪中頭先入水滑落去溪中，有啲位要 高處跳入深潭， 龜龜溪降眼鏡 跌咗落去 ，即時向導游求助，好彩搵得返，但係另一個導遊幫手潛入去搵返，抬頭向上望會感受到峽道的高而壯麗，同香港的溪好唔同，呢度好原始壯觀，岩石都很不一樣。 行下跳下 一直往前進 ，去到賣燒嘢的峽谷位，冇人幫襯，龜龜買咗五花腩、腸腸，的顏色好紅，五花腩好味甜甜酸酸肥肉好香，粉腸唔新鮮霉咗。呢個應該係全程溪降嘅最高位，龜龜跳咗落去，蜂蜂想跳但一行到懸崖又好驚啊，來來去去幾次最後選擇放棄。之後的路越嚟越平坦少水，咦！睇電視介紹有一個好似盪千秋的跳水位點解唔見嘅？唔通過咗？ 順著溪流繼續走，千秋出現了 😄 ，呢個位係人工堆砌而成，較大而平坦安全，似森林中的泳池，水面浮著不少旅客，嘻嘻哈哈一片笑聲。爬上跳水枱，用手捉實掛在樹上的千秋棍，啊啊啊 ⋯⋯ 飛咗出去，好驚嘅蜂蜂唔敢放手又彈回跳水台再次飛出去，基於眾人眼望望唔係幾好意思只好放手，放手一刻心跳加速跳咗出嚟。蹦一聲成個人沉咗入溪再浮返上面。 以為呢啲已經係尾聲，行行吓仲有幾個壯觀的瀑布

6:00起身，7:00⾞我哋去墨寶，途中叫司機第⼀次坐喺⾞度買早餐，Jollibee買咗個漢堡包加菠蘿冰做早餐在⾞上⾷，佢哋安排居然唔係即刻俾⽽係停住⾞係⾞場慢慢再等。⾞⼀開就有個紅綠燈位，呢度綠燈圖案係個慢⾏行的公仔好搞笑，似非洲⿊⼈跳緊舞咁。 沿途冇咩靚景睇，10:30去到⼀⽚荒涼的草地，草屋旅館的主人是一對英籍夫婦，旅館的水平時靠⾬水收集，但墨寶5個⽉冇落⾬，旅館需要額外買水，主人叫我地冲涼快手，蜂蜂唔鍾意。時間尚早，⻱⻱臨時想安排去睇鯨鯊，點知包租婆話11:00後就冇得睇，要睇就早啲去，但係又叫我哋不要去，因為係⼈⼯飼養嘅。 ⻱⻱改行程叫咗三輪⾞去睇沙丁先，10分鐘左右路程到咗，道路好窄落⾞，行入去⾞多、人多，摩托⾞、 汽⾞廢氣好臭好熱。呢度冇沙灘護牆，一落去就係海， 水好清好多人。我哋兜咗個圈搵咗救生衣加⾷嘢嘅舖頭，⾷咗中型沙丁魚、炸魚毛、炸雞槌 、炸豬扒、好甜嘅短⾹ 腸，再加碗⽩飯 ，另送一個薑汁豉油湯。湯勁好味，沙丁⿂和豬扒唔差，俾咗$200披索，點知行出⾨口被店員叫返轉頭，店主初頭以為係一個⼈⻝，結果兩個收$400 ，咁就有啲貴，以佢間舖只不過係冇冷氣嘅民宅來講。  ⻝飽又到飲咖啡時間，向前直行有間裝修唔錯、價錢實惠嘅餐廳，乾淨企理， 坐得好舒服。⻱⻱居然叫凍咖啡，我就飲芒果汁，好杰。飲完沿住餐廳後⾨方向，向海灘出發。人車爭路，臭油味滿天⾶。路嘅盡頭好多人燒嘢⾷，仲將的小朋友放⼊入⾃製吊床上。另一邊居然有兩個阿伯瞓係樹下等人按摩。熱辣辣的手塗滿BB油，搓勻客⼈背脊，與汗水二合為⼀。咦！⼜熱又污糟。 坐咗一陣就去租嘢睇沙丁魚，落水前要交錢，類似海灘的入場費。 又瘦又⿊嘅本地導游牽着救生圈拉我地去到沙丁魚群游弋的海域，成班游客係海面，戴好眼鏡咬實牙膠潛入海水，嘩！成千上萬條沙甸魚來回迴旋閃閃發光，好壯觀！龜龜平時有游水習慣咗游水時的呼吸，浮潛反而令佢好唔習慣飲咗好多海水。哎呀！好痛，有嘢咬我，我係咁被嘢咬，即刻冇曬心情添。 跟住導遊又拖住我地去好近海邊的位置睇海龜 ，太多人沙塵滾滾海龜好矇。導遊見太多人我哋影唔到相又拖住我地去另一邊睇海龜，呢度有三隻海龜被人圍攻，好可憐！的人為咗賺錢，海龜、沙甸魚都係人為圍曬係度嘅。 可能因為食得太飽加埋救生衣箍住蜂蜂，係咁反胃嘔晒的南瓜出嚟，加埋飲咗幾啖海水好唔舒服想早啲上岸，海水咸到帶苦味。交錢先可以去冲涼，沿着小徑

疫情三年冇得離開香港，機票開關後貴咗好多，以前出境唔使影相，依家要，連登機都係影相自助就可上機，抵達宿霧機場天已黑，機場的工作人員手腳好慢，條龍郁得好慢，堂堂入境處成個櫃檯居然係紫色嘅燈光好似夜總會。 呢度入境又要企定定俾人影相，細機場行李輸送帶攞行李都好快，一出機場買電話卡$300披索一張，好多資料要填，仲要影埋護照相上傳。準備等的士居然有個保安向我哋招手，行埋去先知原來佢幫手做白牌車生意，一問價錢要$500 貴過正常的士。 前方等的士的位有兩批人排緊隊，的士好稀疏，可能都要半個鐘以上先有，好彩排我哋前面位女士Call咗車又肯俾我地一齊上車，咁啱大家都係去Bai hotel。車資$300披索好划算，好奇怪個位女士唔使登記就上咗房，龜龜話佢英文仲正過白話唔知係邊度人呢？而且佢應該好熟呢度始終一個女仔自己一個人。去到Bai hotel 已21:30 。  呢度的行李箱要過機先俾入，有冇必要啊😏！        間hotel好大間，居然冇雙人床俾我哋，今晚要分床瞓。一層樓大約有20至30間客房，房的配套睇落去都幾正規，但張被又硬又重搞到我瞓唔著，冲涼房玻璃只有一邊冇玻璃門，一冲涼的水走晒出去所以佢嘅木門已發霉，一間5、6百客房嘅大型酒店的設計、配套居然可以做到咁有問題🤨。