【快閃尋花】機上年輕男子發羊吊

8:45的機，機上居然有個二十幾歲年輕男子發羊吊，反白眼、流口水、手抽搐，好像電影情節一樣，空姐廣播問機上有冇醫生，有個男醫生出咗來幫手，有驚無險，醫生建議佢落機後去醫院檢查。

從羽田機場出嚟，龜龜買咗⻄瓜卡，坐到橫浜三百幾円，出閘再轉JR到鎌倉站$363円。出鐮倉駅轉左直行成條都係步行街，幾分鐘的路程去到Tosei Hotel，酒店門口是亭園式入口，種了好多似通菜咁樣的植物，房間挺大，但設計唔好，行李箱要搬開的枱凳先有位擺，窗是和風式。

放好行李去小町通散步，經過雜貨鋪買咗欖欖先至$250円。經過郵局、文具店買咗郵票、明信片。馬路中央有條行人步道，兩旁長滿綠葉的樱花，如果4月一定好漂亮，長長的小徑一方有鶴罔八幡宮的襯托。右手邊有個教堂，門口的紫陽花開的好靚，佢居然整點時會響。

呢條街左手邊入去係小町通，人頭湧湧，大多數係日本本地游客，吃吃喝喝賣手信的街道，5點幾食晚飯 蜂蜂白飯魚加 海膽，龜龜白飯魚加三文魚，⺞廳除咗我哋其他全部是本地客，$2500罔一個丼有的貴，名物白飯 魚並不好食。

返回酒店，一早起身的龜龜20:29就瞓咗覺了，忘記去攞酒店嘅免費味噌湯同飯團。