【菲一般旅程】運屍跳崖摘蓮霧

5點幾痕醒咗，起身洗碗俾龜龜煮麫加罐頭、番茄做早餐，7:45三輪單車到，8:00出發Kawasan 。途經兩個市集，大規模原隻燒雞不斷轉轉轉、勁大塊燒豬腩肉香味四溢，快到嘉華山的路景以海為主，水很清澈，一望無際，正！

      8:40到達填表格，小店就在路邊，佢有提供鞋及救生衣、頭盔。由當地的Tour帶領溯溪以及跳水行程，穿好裝備行出馬路坐摩托車，點知個工作人員叫我地同一塊牌及佢三個一齊影相。之後龜龜蜂蜂加司機三個一架車向山上出發。大約20分鐘左右車程，玩飛索前要好隨便咁填下資料，飛索可以減少行山，填寫好再行兩步到入口又要再填，求其寫個名就可以完全為咗做樣。企定個人，戴上安全帽，套上黑色圍裙然後身體前傾，工作人員就托起蜂蜂、龜龜雙腿，趴下變咗兩隻🐛🐛哈哈😄⋯⋯呢個姿勢俯視山林，驚驚😨啊啊⋯⋯雙手捉緊龜龜，好快到對面，全程導遊幫手揸GoPro幫我地錄影。

起點上梯級，係條山林小徑，15至20分鐘已聽到好吵嘅人聲，的人已跳緊水。溯溪就溯得多，溪降沒試過，哈哈😄⋯⋯溪水清澈顏色像美瑛青池，好美噢！沿路的風光都很美。戴着头盔，穿着救生衣，係峡谷的河流里徒步，石頭上攀爬，瞓低係溪中頭先入水滑落去溪中，有啲位要高處跳入深潭，龜龜溪降眼鏡跌咗落去，即時向導游求助，好彩搵得返，但係另一個導遊幫手潛入去搵返，抬頭向上望會感受到峽道的高而壯麗，同香港的溪好唔同，呢度好原始壯觀，岩石都很不一樣。

行下跳下一直往前進，去到賣燒嘢的峽谷位，冇人幫襯，龜龜買咗五花腩、腸腸，的顏色好紅，五花腩好味甜甜酸酸肥肉好香，粉腸唔新鮮霉咗。呢個應該係全程溪降嘅最高位，龜龜跳咗落去，蜂蜂想跳但一行到懸崖又好驚啊，來來去去幾次最後選擇放棄。之後的路越嚟越平坦少水，咦！睇電視介紹有一個好似盪千秋的跳水位點解唔見嘅？唔通過咗？

順著溪流繼續走，千秋出現了😄，呢個位係人工堆砌而成，較大而平坦安全，似森林中的泳池，水面浮著不少旅客，嘻嘻哈哈一片笑聲。爬上跳水枱，用手捉實掛在樹上的千秋棍，啊啊啊⋯⋯飛咗出去，好驚嘅蜂蜂唔敢放手又彈回跳水台再次飛出去，基於眾人眼望望唔係幾好意思只好放手，放手一刻心跳加速跳咗出嚟。蹦一聲成個人沉咗入溪再浮返上面。

以為呢啲已經係尾聲，行行吓仲有幾個壯觀的瀑布位，正😄！水壩的瀑布好勁，水量大、水壩夠寬，藍天白雲下個個排着隊去影相，呢度的導遊個個受過訓練專幫旅客影相。溯溪來到最後一站了，裝備卸下，係瀑布前幫我們拍照，佢仲用佢自己電話影我地留底添。12:20結束一天與巴迪安峽谷的令人振奮的冒險，峽谷蹊降之旅充滿了樂趣和興奮,進入一個世外桃源，有挑戰 ，忘憂！

嘉華山出口同入口一樣都有一塊牌，證明我哋已離開此山了，呢個位有人係溪邊洗衫有人係路邊燒嘢食嘢。沿着馬路直行以為係直接返去，點知導游帶我地去咗停車場嘅一間兩餸飯小店，蜂蜂點咗炸雞、雜菜、魷魚仔，龜龜就係炸雞、椰菜、魷魚仔，味道唔錯有驚喜。我哋食得較慢，導遊來回行咗三次睇我哋食完沒，佢應該想快啲返去准備下午帶多團客。接我地返溯溪店的又係今日個個叔叔，車程好快大約十分鐘左右，回到溯溪店俾錢時見樹上有的果果，導遊居然摘咗落嚟俾我地食，係蓮霧噢！好味😋依家先知蓮霧係生係棵樹上仲咁大咁高添。

繼續坐叔叔架三輪車，出墨寶市中心市集途中仲專登停車影燒雞燒豬腩肉，冇直接返草屋的我地係Jolli bee 飲咖啡，雨勢有的大，慢慢坐下先。13:50到處逛逛，向著海邊方向，有個肉類市場 有整個羊頭 、成堆嘅海藻、魷魚仔買，魚的種類較少。呢度啲海都係冇沙灘，的本地人就咁入去海水玩、游水。有大量旅客著住救生衣上船唔知去邊呢？海邊好舒服人較少都幾好行，買椰青$40/一個價錢算合理，個檔主手勢好差，劈到爛晒，的椰汁流晒出去，嘥晒啲嘢。

時間尚早去咗賣青菜個邊街市買咗3個麫兩棵菜一堆小青尖椒，15:15求其搵咗間飲啤酒，左手邊隔離炸雞店好生意，右手邊燒雞店已串咗6隻雞燒緊。為咗等晏啲食燒雞，亂逛去咗麥當勞，有個香港一家三口入咗去，山長水遠離開香港居然走來食麥當勞，呢度有個超市，的面買8.9街市居然買12，超市買咗支紅酒加餅乾，因商場廁所未開門出去搵廁所，上咗一層有廁所，嘩個廁所男女共用，門下半截係吉嘅😨好冇安全感。

沿路返去墨寶市中心又見到頭先個一家三口，居然行得快過我地。街市的魚買的七七八八，我哋買咗的魷魚仔就去食燒雞，街市對面個間太忙冇人招呼 去返飲啤酒隔離個間食燒雞 原來不是原隻上，燒完的雞斬成一舊舊放在芭蕉葉上仲要用醬汁香茅蔥浸住放係膠袋入面，驚死唔夠味再俾多碟生抽，等咗半日的雞好失望，無論叫半隻定一隻都唔係原隻上碟，而且不是原汁原味。回到草屋沖涼上天台飲紅酒，好涼爽而且冇蚊幾舒服，咦！天台做咩冇燈嘅？研究咗一陣先搵到燈掣，哈哈😄⋯⋯